*По иницијатива на нашиот Академски сликар Новица Трајковски во Домот на Култура Илинден веќе неколку години се одржуваат традиционални уметнички изложби за наши сограѓани-уметници. За изложбата од година на година, заинтересираноста е се поголема, а се открија и многу уметнички таленти, но и вистински уметници . Едно од најголемите уметнички откритија од нашиве простори е токму Марјан Ристовски, инаку по професија металски работник. Неговата уметност спаѓа во областа на Вајарството, а неговите скулптури се изработени од скапоцен- нерѓосувачки метал или комбинација од неколку такви метали. Неговите дела имаат длабока и убава содржина, кои испраќаат пораки со љубов,но и со многу прашалници кон гледачите. На Марјан му посакуваме да продолжи и да се искачува, искачува кон уметничкото небо…
