* 4 ноември1944.- ОСЛОБОДЕНА Е БИТОЛА
По капитилацијта на Бугарија, продолжувајќи ја борбата против германските единици што се повлекувале од Грција кон Албанја и Србија, борците на 49. дивизија на НОВ и ПО на Македонија, во чии рамки влегувале борците од Седмата битолска бригада, Битолско-преспанскиот партизански одред, а нешто подоцна и борците на Леринско-костурската бригада, уште позасиелно ги напаѓале германските колони и им нанесувале тешки загуби во луѓе и техника. Беа ликвидирани и непријателските упоришта во непосредна близина на Битола односно кај село Крклино и Могила. Од друга страна кон 20 октомври 1944 г. Леринско-костурската бригада, по наредба на Штабот на 49. дивизија на НОВ и ПОМ, ги затворала патните правци Лерин-Битола и Меџитлија-Битола и во реонот на битолските села Породин, Кравари и Бистрица имала повеќе напади врз германските моторизирани колони кои се повлекувале од Грција.
Утрото на 4-ти ноември 1944 година, единиците од 49. дивизија на НОВ и ПО на Македонија, победоносно влегле во Битола каде биле со воодушевување пречекани од граѓаните. Во четиригодишната херојска Националноослободителна и антифашистичка војна на Македонија, граѓаните на Битола и Битолско дадоа значаен придонес, а околу 266 борци ги положија своите животи во нерамноправна борба со бугарските, италијанските и германските окупатори и нивните домашни слуги.
*4 и 5 Ноември 1912 – Предводени од војводата Петар Чаулев, четите на ВМОРО, четите на селската милиција и бројни доброволци од месното население извршиле напад врз Прибилци и Брежани и заробиле 600 турски војници. Следниот ден (5 ноември) воделе нови борби со војската на Џавит-паша, која била присилена да се повлече. Кај местото Буково на патот Ресен – Охрид биле заробени 300 војници.
* 4 ноември 1890.- Во Лондон беше отворена првата линија на подземна електрична железница во светот – метро. Второто метро во светот, а прво на европскиот континент беше будимпештанскиот, отворен во 1896 година
* 4 ноември 1946.- Основана е УНЕСКО (Организацијата на Обединетите нации за образование, наука и култура) заради решавање на проблемите со образованието во земјите погодени во Втората светска војна. Подоцна задачите на УНЕКСО беа проширени, посебно во заштита на културното и историското богатство и размена на научни работници и публикации.
* 4 ноември 2000.- Умре Миле Ангеловски, македонски новинар. Роден е во селото Горна Бошва, Кавадаречко, во 1936 година.
* 4 ноември 2015.- Умре Методија Тошевски, поранешен главен државен ревизор (1999-2005), поранешен министер во Владата на Република Македонија и човек кој ги удри темелите на работењето на Државниот завод за ревизија.
