Првата противпожарна единица за гасење на пожарите во старо Скопје била формирана кон почетокот на 20 век и била лоцирана на Кале.
Известување за избувнување на пожар се праќало со пукање на топ од Кале и тоа со едно пукање се известувало дека пожарот е на левата страна на Вардар, а со две пукања дека пожарот е на десната страна на Вардар.
Службата прво била опремена само со кофи за вода и две рачни пумпи, за подоцна да се набават прво цистерни со воловска запрега, па потоа камиони со кои се можело да се стигне брзо до сите локации во градот.
