Љуботен со своите 2.498 метри, облик на пирамида и остри црти, широки пасишта опкружени со густа шума, неповторливо изгрејсонце… Љуботен е еден од највисоките врвови на Шара и претставува моќен призор без разлика дали го гледате од северната или јужната страна. Искачувањето по тесните планинарски патеки до самиот врв веднаш се претвора во чувство на задоволство и исполнетост штом ќе го здогледате врвот со Козја Стена! Под самиот врв се наоѓа познатиот планинарски дом „Љуботен“ изграден во 1931 година кој нуди сместување и од каде ќе ви бидат потребни околу час и половина да се искачите на врвот кој го нуди можеби најубавото изгрејсонце во Македонија!
