БРАКОТ И СЕМЕЈСТВОТО СЕ БОЖЈИ БЛАГОСЛОВ
Во сабота на 29 јуни 2019 г.во Скопје СОЈУЗОТ ЗА ЖИВОТ организира граѓанско-верски настан за поддршка на традицијата, бракот и семејството.
Собирно место за поворката која ќе прошета по улиците на градот е платото пред црквата „С. Богородица“ (помеѓу МНР и МАНУ) од 10 до 11 часот, а околу 11 часот е предвидено да тргне поворката во прошетка што сведочи живот.
– Крајната цел на маршот за ЖИВОТ е дворот на Соборниот храм „Св. Климент Охридски“ каде што на учесниците ќе им се обратат организаторите на настанот и ќе се прочита заедничката Декларација за заштита на Бракот и Семејството!
– Ако бракот, семејството, верата, животот, љубовта и божјата вистина ни се вредност во животот, тогаш треба да го подржиме овој настан.