Машката ракометна екипа на ООУ „Гоце Делчев“од населба Илинден ,го освои првото место на градското првенство на Скопје, што го организира Сојузот на училишен спорт. Благодарејќи на ангажираната и дисциплинирана игра , и тие во финалето ја победија екипата на ООУ „Димо Хаџи Димов“, со што обезбедија пласман на државното првенство, што ќе се одржи на 31. март во Велес.
Училишната ракометна екипа е на прагот да го повтори успехот што го постигна оваа екипа во 2013г.,кога најпрво стана првак на Град Скопје ,а потоа станаа и државни прваци во ракомет во Македонија,екипата и тогаш и денес успешно ја води наставникот по физичко воспитание Блаже Митровски. .
Во конкуренција на 20 екипи од територија на град Скопје, ракометната екипа на ООУ „Гоце Делчев“ со извојувани 5 победи се пласираше во финалето, прикажувајќи одличен ракомет.
Ракометарите на ООУ „Гоце Делчев“ по трет пат го освојуваат првенството на Скопје, а во 2013 година беа и државни прваци, што само по себе зборува за квалитетот на ракометот во основните училишта во Општина Илинден,од која произлегоа многу државни репрезентативци ,како Валентина Радуловиќ,Александра Стаменковиќ-Јанев,Сара Ристовска,Гоце Георгиевски,Жарко Пешевски и други.Инаку поголемиот дел од училишната екипата, тренираат, и ракометните вештини ги учат и во ракометните школи, што постојат во Илинден. Токму затоа екипата на ООУ „Гоце Делчев“ ја вбројуваат меѓу фаворитите за освојување на годинешното државно првенство
