Ангеле Ангелески (1924 – 1991) од селото Чаниште, Прилепско, изгради голем ограден ѕид од камен, со кој загради една своја парцела во атарот на селото Чаниште.
Ангел оспособен за земјоделец, сточар, пчелар, дрводелец, но и ѕидар. Тој го започнал својот подвиг, кој му беше замислен како големо постигнување, кое ќе биде единствено во овој дел од Балканот, а кое ќе му служи и за неговиот опстанок, како и опстанокот на семејството, добитокот и пчелите.
Работел полека, но упорно и секој ден, освен во празниците.
Постојан придружник му била неговата сопруга Јованка Ѕидот полека „растел“. Најпрво од едната, па од другата страна на долот и се оформуваше неправилниот круг околу парцелата.
По 5 години ѕидот беше речиси завршен. Оваа градба влезе во книгата „Македонски гинис“, објавена во осумдесетите години на дваесеттиот век.
Според она што е запишано во книгата на македонски гинисови рекорди, ѕидот е со должина од 1500 м, височина 1,5 м . Целиот ѕид е покриен со големи камени блокови, помалку или повеќе оформени.
