*3 јуни 1967 година извршено е осветување на Црката Св.Цар Контантин и Св.Царица Елена во населба Илинден.Пред голем верници од Илинден и околината ,светиот чин го обави Поглаварот на МПЦ Г.Г. Доситеј со поголем број негови сослужители.
* 3 јуни 1974 г. за прв пат започна асфалтирање на улица 8 (порано Илинденска или „66“).Пред тоа улицата беше тешко проодна особено во зима(кал до колена).На неколку наврата пред тоа истата со доброволен прилог на населението истата беше посипувана со песок. (Фотографијата е од нејзината реконструкција-2016г.)
* 3 јуни 1911 роден е – Благој Јанков – Мучето тој е македонски револуционер, шивачки работник, комунистички деец и народен херој. Го раководел штрајкот на струмичките шивачки работници (12–15. X 1936), по што заминал во Белград. Во 1936 година бил примен за член на КПЈ. По враќањето во Македонија бил член на МК на КПЈ во Струмица и член на привремениот ПК на КП во Македонија (од септември 1940). Како инструктор на ПК со седиште во Штип (октомври 1940 – август 1943), бил еден од организаторите на НОАВМ во Струмица, Скопје, Штип, Берово, Пехчево, Валандово и Радовиш. При една партиска провала во Штип (17. VIII 1943) бил ранет, а во друга провала во Струмица загинал во борба со бугарската полиција на 14 јули 1944г. Прогласен е за народен херој на Југославија (11. X 1951)
*3 јуни 1931г. роден е АНТЕ ПОПОВСКИ , докажан поетски авторитет, кој уште со првите творечки обиди во раната младост го најави својот редок поетски талент, уникатен израз и лирски сензибилитет. Со текот на времето стана препознаен како врвна поетска вредност не само во македонски, туку и во европски рамки па и пошироко. Напиша бројни безвременски песни и стихови, кои допираат длабоко во душата и сетилата со напластената длабока филозофија и теми за размислување! Почина на 1 октомври 2003
* 3 јуни 1993г.– Владата на Република Македонија донесе одлука со која 18-ти август, денот на формирањето на баталјонот „Мирче Ацев“ во 1943 г.,да го прогласи за Ден на Армијата на Република Македонија.
* 3 јуни 2006.- Собранието на Црна Гора усвои одлука за прогласување независност на Република Црна Гора, според која Црна Гора е независна држава со целосен меѓународен правен субјективитет.
*3 јуни 2016г. Почина легендарниот боксер Мухамед Али (Касиус Клеј)Во својата кариера тој е единствен во историјата на боксот кој успејал три пати да ја освои титулата светски првак во тешка категорија.Во својата кариера има забележано 56 победи од кои 37 со нокаут.
