Селекторот на женската кадетска репрезентација на Македонија, Кристијан Грчевски, го објави поширокиот список на ракометарки за претстојното Европско првенство во кадетска конкуренција.
На поширокиот список од 35 ракометарки се најдоа и две наши ИЛИНДЕНКИ, левеиот бек Мартина Ангеловска,која настапува за ХК Торсланда –Шведска , како и средниот бек Ева Ѓорѓиевска која настапува за РК Илинден Вардар.
И, не само што се и двете од Илинден, интересно е и тоа што и двете, Ева по мајка, а Мартина по татко и се од ист фамилијарен род од Илинден.
Европското кадетско првенство ќе се одржи во Црна Гора во период од 3 до 12 август.
Македонија ќе игра во групата „Д“ заедно со репрезентациите на Унгарија, Романија и Франција.
Населба Илинден на Македонската репрезентација и посакува успех на европското првенство.
А,на нашите Мартина и Ева им посакува успешна ракометна кариера и да бидат достојни замени за нашите сограѓанки поранешни ракометни репрезентативки: Валентина Радуловиќ,Александра Стаменковиќ-Јанев,Фросина Крстевска –Голубовска и други.
