Мартинци -волчји денови

0
181

Стар народен календарски обичај поврзан со различни датуми. Трае еден или три дена и најчесто се врзува со божиќните поклади (14 ноември до по Св. Ахангел). Со овие денови се поврзани повеќе дејства, со кои му се врзува устата на волкот да не ја јаде стоката и друго.

Тоа се правело на тој начин што гребни за коноп или волна се оставале од двете страни на вратата од шталата и по поминувањето на стоката тие се затворале и така се оставале подолог период, со верување дека така ќе им биде затворена и устата на волците.

За да не прават штета, на ваквите магиски дејства против волците се посветени и други денови во годината. Се верувало дека човек што носи облека правена во овие денови, ќе го напаѓаат волците.
Во овој период од годината 14-24 ништо не се дава од куќата, не се преде волна и ништо не се пере. Кројачите и чевларите одмораат, а жените не работат рачни работи. Обичај е во овие денови да се заколе црно пиле или млад црн петел.
Се колеше молчејќи, во рана зора, на куќниот праг. Претходно на пилето или на петелот клунот му се врзува со црн конец за да не писка и да нема никаков глас. Отсечената глава од пиле се врзувала со црвен конец за клин и со неа се баело.

Оставете одговор

Ве молиме внесете го вашиот коментар
Ве молиме внесете ги вашето име тука