Секоја година на 14 февруари на Свети Трифун, во нашата средина со посебни свечености се обележува овој ден, а особено во Ајватовци и Бучинци .
Во Ајватовци на чинот на закројување и избор на најдобрите вина претходеше литургија во црквата Св. Трифун во селото, каде се одржува и манифестацијата.
Со свеченото закројување на виновата лоза во новата календарска година и почнуваат да ги кројат лозите, а се верува дека свети Трифун на својот празник забодува факел во земјата и така снегот почнува да се топи, според народните верувања, токму на овој ден започнува пролетта, се будат природата и љубовта меѓу луѓето.
Се верува дека свети Трифун е чувар на лозјата и гостилниците, но и на брачната љубов и верност.
Покрај погоренаведеното во Ајватовци се одржува традиционалната манифестација САЕМ НА ВИНОТО,на кој се изложува вино од нашите лозари , а посебна стручна комисија„Вински витези“, прогласува трите најдобри, Градоначалникот на општина Илинден, Александар Георгиевски им додели признанија.
На овогодишната манифестација стручната комисија за најдобри ги прогласи:
Прво место го освои Борче Божиновски од Илинден
Второ место го освои Страшо Ангеловски од Ајватовци
Трето место го освои Љупчо Димитриевски од Ајватовци
