Од 19 јануари 1392 година градот Скопје од Османлиите го добило името Ускуп (Üsküp) и се до 1912 година кога подпаѓа под српска власт и добива име Скопље. Во изворите за историјата на градот стои дека во манастирот Св. Тодор било испишано од раката на непознат монах:
»В лето 69 сатно… к’ди Турци пријаше Скопие, месеца гоневера« (според новиот календар 19 јануари 1392 година) Скопската околина му припаѓале на кралот Марко, по долината на денешна Маркова Река и на кралот Андријаш по долината на реката Треска. Имотите на Марко и неговиот брат, уште некоја година задржале автономија поради нивниот вазален статус. Областа на Андријаш, под турска власт паднала во летото 1394 год., и тој заминува во Дубровник, а потоа на унгарскиот двор, а териториите под власта на кралот Марко целосно биле анектирани кон Османлиската држава по смртта на кралот Марко 1395 година.
