Трговија и Угостителство

Првите продавници за колонијална стока во Илинден биле отворени помеѓу двете светски војни , но биле затворени во 1941 година, непосредно по започнувањето на војната. По војната ,по формирањето на СРЗ, во 1948 година, во задружните простории се отвориле така наречените продавници –кооперации.Дури во 60-те години дошло до отварање на посовремени продавници на „Славија“од Скопје во поголемите села Илинден,Кадино,Миладиновци и други.
Денес на оваа територија постојат големи трговски компании и маркети ,а снабдувањето во ништо не се разликува од Скопје.
Угостителство како стопанска гранка долги години било на ниско ниво . Доколку имало некаков угостителски објект, тој бил мал и едноставен и претежно служел за собирање и дружење на месното население. Во почетокот, угостителските услуги се добивале во првите „Кооперации“ кои, покрај снабдувањето со основни прехранбени и други артикли, располагале и со билјард маси, каде бил служен пијалок и некое поедноставно јадење.
Прв најголем угостителско-туристички објект изграден во овој дел од поширокото подрачје на Скопје е хотелот „Белви“на почетокот од 70-те години од минатиот век ,а денес покрај него постојаат ушт 10-на големи туристичко-угостителски објекти.