*22 август 1964 г. Во населба Илинден ,беше предадено во употреба новоизграденото основно осумгодично училиште „ГОЦЕ ДЕЛЧЕВ“.
Пред тоа наставата се изведуваше само до четврто одделение во Стариот Дом , а во еден период и во управната зграда на 1-Мај .
За изучување до 8-мо одделение до таа година децата кои сакаа да завршат 8-мо одд.(не беше задолжително)мораа да патуваат до Маџари,Миладиновци и Колонија –Идризово.
*22 август 1864 година Дванаесет земји ја потпишале Првата женевска конвенција. Основан е Црвениот крст.
*22 август 1941 година ,беше формиран првиот Скопски партизански одред а на 11 октомври 1941 г. беше кренато македонското востание.
И оттогаш па се до крајот на Втората светска војна илјадници Македонци гинеа за реализирање на вековната желба на македонскиот народ за формирање на македонска држава.
*22 август 1944 г. во село Зборско, Мегленско, Егејскиот дел на
Макекдонија, е формирана СЕДМАТА МАКЕДОНСКА (БИТОЛСКА) НАРОДНООСЛОБОДИТЕЛНА
БРИГАДА,
Тоа е воена единица на НОВ и ПОМ. Била формирана
од битолскиот партизански баталјон “Стив Наумов” од составот на
Втората македонска бригада и новопристигнати борци од Битолско. По формирањето
преминала во Битолско, каде што ги напаѓала позициите на бугарските сили на
просторот Ресен-Битола: граничните караули на планита Кајмакчелан од 24 до 28 август 1944 г.,
во Преспа од 5 до 7 септември 1944 г. По капитулацијата на Бугарија, влегла во
составот на Четириесет и деветтата (македонска) дивизија на НОВЈ. Во наредниот
период водела непрекинати борби против германските сили на комуникацијата
Ресен-Битола, учествувала во ослободувањето на населените места во Преспанско и
Битолско, влегла во Битола на 4 ноември 1944 г. и учествувала во ослободувањето
на Кичево и Зајас од 15 до 18 ноември 1944 г. По реорганизацијата на единиците
во декември 1944 г., дел од борците влегле во состав на Осмата (македонска)
дивизија на КНОЈ, а друг дел во Четириесет и втората (македонска) дивизија на
Петнаесеттиот (македонски) корпус на НОВЈ. Истовремено, во составот на Седмата
бригада влегла Четвртата шиптарска бригада, претежно со борци од албанска
националност. Од овој период во литературата е позната и како Седма
македонско-албанска бригада, а некогаш како Седма албанска бригада. Со Корпусот
учествувала во пробивот на Сремскиот фронт, во ослободувањето на Славонска
Пожега и Загреб, а потоа во мај 1945 г. била расформирана.
*22 август 1947.- Со одлука на Владата на Народна Република Македонија во Скопје е формирано специјализирано претпријатие за производство на филмови Вардар-филм. Својата дејност претпријатието ја започна на 5 декември 1947 година.
* 22 август 1967, кога голем НЛО се појавил над скопското село Глумово.
*22 август 1990.- Умре Александар Николовски – Џемо, долгогодишен новинар на Радио-Телевизија Скопје и на Нова Македонија, еден од основачите на Втората програма на Радио Скопје. Роден е во 1931 година.
