ОПШТИ ПОДАТОЦИ

Економските прилики во годините по војната во Илинден биле на многу ниско ниво. Во селата немало ниту еден индустриски објект, ниту, пак, развој на современите форми на занаетчиство, трговија или угостителство. Единствена гранка која имала широка распространетост, и со која се занимавало целото население, била земјоделието и сточарството. Затоа, по војната во сите села се развивала особено жива активност за формирање на селски работни задруги, кои, според тогашните размислувања и убедувања, имале задача да ги преобразат селата во развиени селско-стопански средини. Во нивното создавање од 1947 до 1950 година учествувало скоро целото население. По растурањето на колективите, на територијата на Илинден биле формирани земјоделски задруги, земјоделско-сточарско стопанство “Први Мај”, Живинарска фарма и други стопански субјекти. земјоделството и сточарството. Земјата се обработувала на примитивен начин. Се орало и се копало рачно или со сточна запрега и дрвено рало. Рачно се сееле нивите, а потоа рачно, со срп и коса се жнеело. За вршење се користел домашниот добиток.